Knowledge and attitudes of the South African public with regard to congenital and inherited disorders.

’n Gemeenskapsgesentreerde genetiese diens is in 1975 onder die Afdeling Genetiese Dienste van die Departement van Gesondheid en Welsyn begin, ’n Reeks kennisen houdingstudies is deur die RGN onderneem om ’n basislyn van publieke bewustheid van genetiese toestande te bepaal en om enige veranderinge, wat moontlik aan die voorligtings programme van die Afdeling Genetiese Dienste toegeskryf kan word, te monitor. ’n Dramatiese verbetering in die kennis en houdings in die Blanke bevolkings­ groep na drie jaar kan waarskynlik aan die programme van die afdeling toege­ skryf word. Die hoeveelheid blootstelling van Indiërs, Kleurlinge en Swartes aan die voorligtingsprogramme was geag te min te wees ten tye van die ondersoek om enige verandering te bepaal. Voor blootstelling aan voorligtingsprogramme het omtrent 30% van die Blanke ouers met geafTekteerde kinders niemand oor die risiko vir verdere kinders geraadpleeg nie. Drie jaar later het die syfer na 7 % gedaal — wat ’n oortuigende indikasie van ’n verandering in kennis is. Opvolgstudies word onderneem om die invloed van voorligtingsprogramme op ander bevolkingsgroepe te bepaal. Die aanvanklike en opvolgstudies het almal getoon dat al die groepe graag meer kennis oor kongenitale en oorerflike afwykings wil bekom. Swartes en Kleurlinge het die grootste belangstelling getoon. Daar is ook gevind dat radio en/of televisieprogramme, tydskrifte en koerante baie effektief is om ’n algemene kennis van genetiese afwykings en die beskikbare dienste te kweek. JOHANN OP T HOF,*